地押調查(其三) 財務用語 川合真永 語苑 1907年12月15日 第4卷第12號

地押調查(其三) 財務用語 川合真永 　語苑 1907年12月15日 第4卷第12號

特藏臺灣期刊文獻 · 地押調查 (其三) · 國立臺灣大學圖書館數位典藏館

　◇地押：じおし，土地調查測量。

　彼就彼，整理委員是猶未來是毋？

　He tsiū he, tsíng-lí uí-uân sī iá-buē lâi sī m̄?

　◇彼就彼 He tsiū he？（日）其ハソウトシテ、整理委員ハ未ダ來マセンカ。 · 其はそうとして、整理委員は未だ来ませんか。 · 話講到遮（話講轉來），彼个整理委員會，猶未到喔？

　

　較得罪，委員是湊坎今仔日佇厝內當咧無閒，較無遐緊袂通來也敢，請你閣一囝仔久佇這爿聽候，伊也知大人來咧聽候的代誌，敢無偌久就會來。

　Khah tik-tsuē, uí-uân sī tshàu-khám kin-á-ji̍t tī tshù-lāi tng-tih bô-îng, khah bô hiah kín buē thang lâi iā-kánn, tshiánn lí koh tsi̍t-kánn-á-kú tī tsit pîng thìng-hāu, i iā tsai tāi-jîn lâi tih thìng-hāu ê tāi-tsì, kánn bô-guā-kú tsiū uē lâi.

　

　怎樣？這塊的委員是土地的代誌，毋知有較熟抑無？

　Tsuánn-iūnn? Tsit tè ê uí-uân sī thóo-tē ê tāi-tsì, m̄ tsai ū khah si̍k iah-bô?

　

　彼真熟，欲論學問就無啥深，毋久伊是對土地調查彼時的委員，所以實在的代誌熟透透。

　He tsin si̍k, beh lūn ha̍k-būn tō bô siánn tshim, m̄-kú i sī tuì thóo-tē tiâu-tsa hit-sî ê uí-uân, sóo-í si̍t-tsāi ê tāi-tsì si̍k thàu-thàu.

　

　彼真好勢，調查土地的時，較怎樣也著若毋是像伊彼款的較知影其實的委員，就檢采仔舊地域無明白，抑是計較界址東西的時，真僫辦，又閣這區是我毋捌來，這擺算是頭一擺，所以才咧煩惱，今聽你講按呢，不止放心啦。

　He tsin hó-sè, tiâu-tsa thóo-tuē ê sî, khah tsáinn-iūnn iā tio̍h nā-m̄-sī tshiūnn i hit-khuán ê khah tsai-iánn kî-si̍t ê uí-uân, tō kiám-tshái-á kū tē-i̍k bô bîng-pi̍k, ia̍h-sī kè-kàu kài-tsí tang-sai ê sî, tsin oh pān, iū koh tsit khu sī guá m̄ bat lâi, tsit pái sǹg-sī thâu-tsi̍t-pái, sóo-í tsiah tih huân-ló, tann thiann lí kóng àn-ni, put-tsí hòng-sim lah.