四色牌 戶口調查(其十二) 中間小二郎 語苑 1907年12月15日 第4卷第12號

 

四色牌 戶口調查(其十二) 中間小二郎 　語苑 1907年12月15日 第4卷第12號

特藏臺灣期刊文獻 · 戶口調查 (其十二) · 國立臺灣大學圖書館數位典藏館

Read aloud https://youtu.be/ayQ6WnkWDbs

　在宜蘭 中間小二郎

(警)我看彼牌仔的字毋是這款的字也有得。

　Guá khuànn hit pâi á ê jī m̄ sī tsit khuán ê jī iā ū lit.

(有)是是，有兩號款，大人正好目識，閣一款是帥仕相俥傌炮兵著按呢，黃色佮紅色的用這號字，青佮白是用較少畫的字，拄仔寫予你看的這爿的字就是。

　Sī sī, ū nn̄g hō khuán, tāi-jîn tsiànn hó-ba̍k-sik, koh tsi̍t-khuán sī Suè Sū Siàng Ki Má Phàu Ping tio̍h án-ni, n̂g-sik kap âng-sik--ê iōng tsit hō jī, tshenn kap pe̍h sī iōng khah tsió uē ê jī, tú-á siá hōo lí khuànn ê tsit pîng ê jī tō sī.　

　

(警)兩款字欲念，音有相仝無？

　Nn̄g khuán jī beh liām, im ū sio-kāng bô?

(有)照正字音讀，有的無仝音，毋久土念是平平是將(君)象士車馬包卒著。  

　Tsiàu tsiànn-jī-im tha̍k, ū--ê bô kāng-im, m̄-kú thóo-liām sī pênn-pênn sī Tsiòng (Kun) Tshiūnn Sū Ki Bé Pau Tsut tio̍h.

　

(警)號做四色牌就是這嘛？分做四色有啥物路用？

　Hō-tsò Sù-sik-pâi tō-sī tse mah? Hun-tsò sù-sik ū siánn-mih lōo-iōng?

　

(有)彼是欲分別大細的做號，平平是將(君)抑是黃帥(君)有踏著別色的將(君)得，四色其中上大是黃，落來是紅青，上細是白。

　He sī beh hun-pia̍t tuā-sè ê tsò-hō, pênn-pênn sī Tsiòng (Kun) ia̍h-sī N̂g-Suè (N̂g-Kun) ū ta̍h-tio̍h pa̍t sik ê Tsiòng (Kun) tit, sù-sik kî-tiong siōng-tuā sī N̂g, lo̍h-lâi sī Âng Tshenn, siōng-sè sī pe̍h.

　

(警)四色牌是總共有偌濟張？

　Sù-sik-pâi sī tsóng-kiōng ū guā-tsē tiunn?

　

(有)筊牌毋是算張，著算支，通共有一百十二支，號做一付。

　Kiáu-pâi m̄-sī sǹg tiunn, tio̍h sǹg ki, thong-kiōng ū tsi̍t pah tsa̍p-jī ki, hō-tsò tsi̍t hù.

　

(警)敢有遮濟支？

　Kám ū hiah tsē ki?

　

(有)有呶，一色有七號款，又一號著仝的有四支，才四七二十八支，四色著二四八十閣鬥四八三十二支，都拄一百十二支。

　Ū nooh, tsi̍t sik ū tshit hō khuán, iū tsi̍t hō tio̍h kāng--ê ū sì ki, tsiah sù tshit jī-tsa̍p-peh ki, sù-sik tio̍h jī sù peh-tsa̍p koh tàu sù pat sann-tsa̍p-jī ki, to-tú tsi̍t-pah-tsa̍p-jī ki.  

　

(警)人若欲跋牌仔筊，無一付袂跋得嘛？

　lâng nā beh pua̍h pâi-á-kiáu, bô tsi̍t hù bē-pua̍h--lit mah.

　

(有)欲跋啥物筊閣，有半付就聽跋。

　Beh pua̍h siánn-mi̍h kiáu koh, ū puànn hù tō thìng pua̍h.

　

(警)牌仔筊，敢有幾仔款？

　Pai5-a2-kiau2, kam2-u7 kui2-a2-khuan2?

　

(有)真濟款彼捌袂齊到，啥物號都有，講叫四色翻囉、十糊(|サプ_₈-ホオ_₅)囉、擒糊(キン_₁-ホオ_₅)囉、拍堆、掽仔(ボン_₂-アア_₂)、綴鳥(|ソア_₄-チアウ_₂)、拍虎、釣白魚、雙付贊、東西，囡仔跋是紅君娶某，牌仔加減支嘛無要緊。

　Tsin tsē khuán he bat bē tsiâu-kàu, siánn-mih hō to ū, kóng-kiò sù-sik-huan loh, tsa̍p-hôo loh, khînn-hôo loh, phah-tui, póng-á, tsuah-tsiáu, phah-hóo, tiò-pe̍h-hî, siang-hù-tsān, tang-sai, gín-á pua̍h sī âng-kun tshuā-bóo, pâi-á ke-kiám ki mā bô-iàu-kín.

　

(警)按呢就彼牌仔筊，欲跋有定著人抑無？按定幾名？

　Án-ne tō hit pâi-á-kiáu, beh pua̍h ū tiānn-tio̍h lâng iah-bô? Àn-tiānn kuí-miâ?

　

(有)原本牌仔筊是有四跤定著，若筊跤有較濟欲份袂落，就凊彩揀一跤共伊合但爾，四跤有落位外的人，隨便袂使得落手摸牌仔。

　Guân-pún pâi-á-kiáu sī ū sì kha tiānn-tio̍h, nā kiáu-kha ū khah tsē beh hūn bē lo̍h, tō tshìn-tshái kíng tsi̍t kha kā i ha̍h nā-niā, sì-kha ū lo̍h-uī guā ê lâng, suî-piān bē-sái-tit lo̍h-tshiú bong pâi-á.

四人の賭場に居る者の外は、勝手に手出したり牌いじつたりすることはできまきませぬ。

除了在賭場裡落座的四人以外，其他的人不得隨便出手摸牌。